RAPE CASES| LADKIYON KI RAKSHA| HATHRAS RAPE CASE|

        Kya likhu main, kya bayan karu main, e kahun ki ladkiya usi desh me surakshit nahi uss desh ko bharatmata ke rup me dekha jata hain, ya e kahun ki inn darindo ki vajah se ladkiyon ki astitwa mithane lagi hain, sapne mithane lage hain to ijjat ko khule aam uchala ja raha hain. E kyu huwa ya kyun ho raha hain kisi ke pas bhi jawab nahi hain. 

     Jo bhi unn ladkiyon ke baare me soch raha hain ya dekh rha hain, aap sab log soch rahe ho unn par kya biti hogi wo kya feel kar rahe honge. Ladki Hun muje puchon aur wo sari ladkiyan apne aap me jake dekho ki kabhi mehsus kiya hoga ki koyi gandi najar se dekhta bhi hain to lagta hain ki humara astitwa hi nahi hain, koi gandi tarike chuta bhi hain to lagta hain ki jan nikal gayi hain. Jab gandi najar aur chune se humari halat karab hoti hain to balatkar pe kya ho sakta hain. Rape ka nam sunate hi ladkiyonki ruh kapati hain, unki sanse rukh jati hain.  Un darindo ke do minute ke maje ke liye humari zindagi kyu katam ho hati hain, kisi ke pas koi jawab nahi. Hum abhi nirbhaya se ubhare nahi hain to Manisha ko katam kar diya iss samaj ne. Jab ladko ko ghar par raja beta banake rakhte ho to unhi beto ko samajaya karo ki raste pe, gali nukkad pe jo ladkiya jati hain wo item ke nam se nahi jani jati, wo kisi ki maa, beti aur behen hoti hain. 

         E rapist ladkiyon ki ijjat ke sath kilwad kar dete hain, usko manasik roop se thod dete hain, jab wo ladki apna dam thod deti hain to uske astitwa par sawal uthate hain. Kis samaj me rehte ho, kis samaj ko dikha rahe ho, aagewali pidi ko e dikha rahe ho ki e hoti hain ladkon ki takat. Wo ladki chilla rahi thi tab apni maa ki yaad nahi, wo ladki tadap rahi thi tab behen ko samne nahi paya, wo ladki apni ruh se juda ho rahi thi tab beti ki awaz nahi sunayi di. Kya muh dikhate ho apne ghar ke ladkiyon ko, kya jawab doge jab apne ghar ki ladki puchegi ki kyun kiya..?? Samaj badal gaya, soch nahi badli hain abhi.     Ek taraf humare desh me deviyon ki murtiyon maa ke roop me pujate hain par dusari taraf ladkiyon ke sath aisa vyavahar karte hain. 

      Inn sabme humare desh ka kanun to aaj bhi piche hi hain, rape karnewale apna kand karne me 8minute nahi lagate par usi darindon ko saja dene me humare desh ko 8 saal chahiye. kyun unn logo ko unki galtiyon ka ahsas nahi karwate kyun ladkiyon ko nyay milne me itni der lagate hain, kabhi unn pariwaron ke baare me socha hain. Inn sab chijon ke upar humare desh me kuch aise log bhi hain jo rape aur rapist ke karya ko justify karte hain, ladkiyon par ungali utate hain. Ladkiyon ke kapdo pe ungaliyan uthana, ladki rat ko bahar jayegi to yahi hoga, e bolke unn jaise logo ko badava dete hain. shayad ladkiyon ke nasib me aur jindagi me yahi likha huwa hain. Na koi samaj, na koi kanun isme kuch kar sakta hain ladkiyon ko khud iss par kam karna hoga kaise inn  darindo ko sabak sikhana hain. 

      Ek chota sa kissa hain jo har ghar me chalta hain, 

Maa bolegi, chote kapde mat pehano duniya karab hain.           

  Apne bete ko apnne drasti saaph karne bolo.

Papa bolenge rat ko bahar mat nikalna,kuch bhi ho sakta hai. 

Apne bete ko bole ki wo ghar baithe tha ki ladkiyan surakshit rahe.

Padosi bolenge ki apni beti ko kabu me rakho, apni beti ki raksha karo.                                   

Aap  apne bete ko shikshit kyun nahi karte pahle.

USKE SATH BALATKAR HUWA NAHIN, 

USANE USKE SATH BALATKAR KIYA HAIN.

INSTAGRAM: https://www.instagram.com/tmkoc_blogs/?hl=en

FACEBOOK: https://www.facebook.com/Taarak-Mehta-ka-ooltah-chashma-blogs-112976617170014/

YOUTUBE: https://www.youtube.com/channel/UCC5OLAue9S9kMZx9vRbPxaA